සතොස අලෙවිසැල් හරහා අලෙවි කරන අත්‍යවශ්‍ය භාණ්ඩ වර්ග රැසක් සඳහා සීමා පනවා තිබෙනවා. ඒ සම්බන්ධයෙන් සතොස ශාඛා කළමනාකරුවන්ට උපදෙස් ලබාදෙමින් චක්‍රලේඛයක්ද නිකුත් කර තිබෙනවා.
අදාල චක්‍රලේඛය අනුව එක් පාරිභෝගිකයෙකුට අලෙවි කළහැකි සහල් උපරිම ප්‍රමාණය කිලෝග්‍රෑම් 05 කි. ආනයනික නාඩු රුපියල් 100 කටත් ආනයනික පොන්නි සම්බා රුපියල් 130 කටත් සතොස අලෙවිසැල් හරහා මිලදී ගත හැකිය.
මීට අමතරව එක් පාරිභෝගිකයකෙුට සීනි කිලෝග්‍රෑම් 01 ක් හා පරිප්පු ග්‍රෑම් 500 ක් මිලදී ගත හැකිය. සීනි කිලෝග්‍රෑම් 01 ක මිල රුපියල් 160 ක් වේ.
කෙසේ නමුත් පාරිභෝගිකයන් පවසන්නේ ඇතැම් අලෙවිසැල්වල එම ප්‍රමාණය හෝ මිලදී ගැනීමට නොමැති බවයි. තිරිඟු පිටි ඇතුළු තවත් අත්‍යවශ්‍ය ආහාර ද්‍රව්‍ය රැසක් සතොස අලෙවිසැල්වල නොමැති බවද වාර්තා වේ.
UN
