හිටපු සෞඛ්ය අමාත්ය කෙහෙළිය රඹුක්වැල්ලගේ දියණිය වන චමිත්රි රඹුක්වැල්ල විසින් අද (27) දිනයේදී මානව හිමිකම් කොමිසමට පැමිණිල්ලක් ඉදිරිපත් කර තිබේ.
ඒ, තම පියාව අපරාධ පරීක්ෂණ දෙපාර්තමේන්තුව විසින් අත්තනෝමතික ලෙස අත් අඩංගුවට ගෙන රිමාන්ඩ් භාරයේ තබාගෙන සිටින බව පවසමිනි.
ඒ අනුව ඒ සම්බන්ධයෙන් විමර්ශනයක් සිදුකරන ලෙසයි ඇය මානව හිමිකම් කොමිසමෙන් ඉල්ලා ඇත්තේ.
හිටපු සෞඛ්ය අමාත්ය කෙහෙළිය රඹුක්වැල්ලව අත් අඩංගුවට ගෙන රක්ෂිත බන්ධනාගාරගත කර ඇත්තේ ප්රමිතියෙන් තොර හියුමන් ඉමියුනොග්ලොබියුලීන් ඖෂධ තොගයක් මිලදී ගැනීමෙන් රුපියල් කෝටි ගණනක මුදල් වංචාවක් සිදුකිරීම සහ රෝගීන්ගේ ජීවිත අනතුරේ හෙළීම පිළිබඳ සිදුවීමකට අදාළව ය.
RN
