කොළඹ නගර සභාව පුරපති කුසලානය වෙනුවෙන් සංවිධානය කරන්නට යෙදුණ මිශ්ර නෙට්බෝල් තරගාවලියේ සූරතාවය දිනා ගන්නට යුද හමුදා කණ්ඩායම සමත් වුණා.කණ්ඩායම් අටක් අතර පැවති මෙම තරගාවලියේ අනු සූරතාවය හිමිවුණේ කෑගල්ල කණ්ඩායමටයි.
සෑම කණ්ඩායකම ප්රහාරක අංශයට,මැද පෙළට සහ ආරක්ෂක පෙළට ක්රීඩකයින් තිදෙනෙක් ඇතුළුවන ආකාරයට මේ තරගාවලිය ක්රියාත්මක වුණා.කොළඹ බීආර්සී ක්රීඩාංගණයේදී මාර්තු 24 සහ 25 යන දෙදින තුළ පැවති මෙම තරගයේ දක්ෂතම ක්රීඩකයා සම්මානය මෙන්ම දක්ෂතම ක්රීඩිකාව සම්මානයද යුද හමුදා කණ්ඩායමේ සාමාජිකයන් සතු කර ගත්තා.
ඒ අනුව දක්ෂතම ක්රීඩකයා බවට පත් වෙන්නට යුද හමුදා කණ්ඩායම නියෝජනය කළ භාරත පෙරේරාට හැකි වුණා.ඉෂාරා සෙව්වන්දි යුද හමුදාව වෙනුවෙන් පෑ දස්කම් සළකා ඇය තරගාවලියේ දක්ෂතම ක්රීඩිකාව ලෙස නම් කළා.
RM
