ආණ්ඩු පාර්ශ්වය නියෝජනය කරන ඇතැම් දේශපාලන කණ්ඩායම් සර්ව පාක්ෂික සමුළුව වර්ජනය කළේ රටට වඩා පෞද්ගලික අරමුණු, ලාබ ප්‍රයෝජනවලට මූලිකත්වය දීම නිසා බව වනජීවී හා වන සංරක්ෂණ අමාත්‍ය සී.බී. රත්නායක මහතා පවසනවා.
ඔවුන්ගේ එකම අරමුණ රට, ජනතාව බේරා ගැනීම නොව කැබිනට් ඇමති පට්ටමක් ලබා ගැනීම බවයි ඇමතිවරයා අද පැවති මස්කෙලිය ආසනයේ පොදුජන පෙරමුණු තරුණ බල මණ්ඩල රැස්වීම අමතමින් සඳහන් කළේ.
කැබිනට් ඇමති තනතුරක් ලබා දුන්නේ නම් ඔවුන් කිසිදු ගැටලුවක් නොමැතිව සර්ව පාක්ෂික සමුළුවට සහභාගි වනු ඇති බවද රත්නායක මහතා පවසනවා.
දේශපාලන වශයෙන් කුමන මතභේද පැවතියද එජාප නායක රනිල් වික්‍රමසිංහ මහතා සර්ව පාක්ෂික සමුළුවට සහභාගි වී පක්ෂයේ යෝජනා ඉදිරිපත් කිරීම පැසසිය යුතු බවත්, ඔහු සමුළුව වර්ජනය කළ සියලු පාර්ශ්වවලට ආදර්ශයක් බවත් සී.බී. රත්නායක මහතා පවසනවා.
UN