සටහන – පුලී
මාර්තු 28, ලෝකය (අවුට්බවුන්ඩ් ටුඩේ):එක්සත් ජනපද ජනාධිපති ඩොනල්ඩ් ට්‍රම්ප්ගේ අඛණ්ඩ අත්පත් කර ගැනීම් තර්ජන හමුවේ, ග්‍රීන්ලන්තය තම ව්‍යවස්ථාදායකයට තේරී පත් වූ එක් පක්ෂයක් හැර අනෙක් සියල්ලන්ගෙන් සමන්විත නව සභාග රජයක් පිහිටුවීමට කටයුතු කරයි.
ග්‍රීන්ලන්ත පාර්ලිමේන්තුවේ ආසන හිමි පක්ෂ පහෙන් හතරක් පුළුල් සන්ධානයකට එක්වීමට එකඟ වී ඇති බව ප්‍රාදේශීය මාධ්‍ය ආයතන මෙලෙස වාර්තා කර තිබේ.
මේ අතර එක්සත් ජනපද උප ජනාධිපති ජේ.ඩී. වැන්ස් ආක්ටික් දූපතේ ඇමරිකානු හමුදා කඳවුරකට යාම අද මනා අවධානයකට ලක් වූ කරුණකි.
එක්සත් ජනපද උප ජනාධිපති ජේ.ඩී. වැන්ස් සහ ඔහුගේ බිරිඳ උෂා වැන්ස් ග්‍රීන්ලන්තයේ වයඹ වෙරළ තීරයේ පිහිටි එක්සත් ජනපද පිටියුෆික් අභ්‍යවකාශ කඳවුර නැරඹීම සඳහා මෙලෙස පැමිණ ඇතැයි විදෙස් මාධ්‍ය වාර්තා කරයි.
ග්‍රීන්ලන්තයට පැමිණි පළමු උප ජනාධිපතිවරයා ඔහු බව වැන්ස් යුවළ පිළිගැනීමට රැස්ව සිටි එක්සත් ජනපද හමුදාවන්ට ඔහු ප්‍රකාශ කර සිටියේය.
ස්වයං පාලක ඩෙන්මාර්ක භූමියේ ඉරණම තීරණය කිරීම සඳහා ග්‍රීන්ලන්ත වැසියන් සති දෙකකට පෙර සමීපව නිරීක්ෂණය කළ මැතිවරණයකදී මධ්‍ය-දක්ෂිණාංශික ප්‍රජාතන්ත්‍රවාදීන් දිවයිනේ පාලක වාමාංශික සන්ධානය සියයට 30 ක ඡන්ද ප්‍රතිශතයකින් පරාජය කළ නමුත් ට්‍රම්ප්ගේ කඩු පහරදීම් මධ්‍යයේ එක්ව කටයුතු කළ හැකි පුළුල් සන්ධානයක් පිහිටුවීමට උත්සාහ කරන බව ද පැවසීය.
