විපක්ෂ නායක සජිත් ප්රේමදාස මහතාගේ සංකල්පයක් අනුව සමගි ජන බලවේගය විසින් ක්රියාත්මක කරන “සක්වල” සුහුරු පන්ති කාමර වැඩසටහනේ 136 වැනි අදියර යටතේ වන්නි දිස්ත්රික්කයේ, වව්නියාව, නැදුන්කේනි ඔලුමඩු දෙමළ මහා විද්යාලයට සුහුරු පන්ති කාමරයක් පරිත්යාග කිරීම ඊයේ (28) සිදුකෙරිණි.
ඒ, විපක්ෂ නායක සජිත් ප්රේමදාස මහතාගේ ප්රධානත්වයෙනි.
මෙහිදී එම පාසලට ලබාදුන් සුහුරු පන්ති කාමර උපකරණවල වටිනාකම රුපියල් ලක්ෂ 10කි.
සමගි ජන බලවේගය විසින් ක්රියාත්මක කරන හුස්ම වැඩසටහන යටතේ මේ වන විට රෝහල් 57කට රුපියල් ලක්ෂ 1766ක් වටිනා ඖෂධ සහ රෝහල් උපකරණත්, සක්වල බස් රථ වැඩසටහන යටතේ පාසල් 87 ක් සඳහා රුපියල් ලක්ෂ 50ක් වටිනා බස් රථ 86ක් ලබා දී ඇති අතර ඒ සඳහා රුපියල් ලක්ෂ 4242ක් ද සක්වල තොරතුරු තාක්ෂණ වැඩසටහන යටතේ පාසල් 136ක් සඳහා සුහුරු පන්ති කාමර උපකරණ ලබා දී ඇති අතර ඒ සඳහා රුපියල් ලක්ෂ 1368ක් වැය කර තිබේ.
RN
