Thursday, July 7, 2022
spot_img
spot_img

Latest Posts

එකිනෙකාට දොස් පවරා නොගෙන සමාදානමය ක්‍රමයකට යන්න – කතෝලික රදගුරු සම්මේලනයෙන් ඉල්ලීමක්

රට බරපතල අර්බුදයකට මුහුණ දී සිටින මොහොතක රජය මෙන්ම විපක්ෂයේ හවුකාර පාර්ශවකරුවන්ද අනුගමනය කළ යුතු වන්නේ ගැටුම්කාරී හෝ එකිනෙකාට දොස් පැවරීමේ ප්‍රවේශයන් නොව සමාදානමය ක්‍රමවේදයක් බව ශ්‍රී ලංකා කතෝලික රදගුරු සම්මේලනය නිවේදනයක් නිකුත් කරමින් පවසයි.

පොදු යහපත් උදෙසා කටයුතු කරනු ඇතැයි යන විශ්වාසයෙන් තමන්ව තෝරා ගත් මිනිසුන්හට විධායකය හා ව්‍යවස්ථාදායකය වගකිව යුතු වන අතර විය යුතු වන බවත් විනිවිදභාවයෙන් යුතු විය යුතු බවත් එම නිවේදනයෙන් අවධාරණය කර ඇත.

අරුත්සුන් වහසි බස් නොදොඩා සත්‍යවාදී වන ලෙසත්,කුමන ක්ෂේත්‍රයක වුවද විශේෂඥ උපදෙස් ලබාගැනීමට තරම් යථාර්තවාදී වනලෙසත් තවදුරටත් ප්‍රමාද නොවී අනෙකුත් රටවල්වලින් සහ අත්දැකීම් වලින් ඉගෙන ගෙන හොඳම භාවිතය අනුගමනය කරන ලෙසත් සියලුම පාර්ලිමේන්තු නියෝජිතයින්ගෙන් ඉල්ලා සිටින බවයි ශ්‍රී ලංකා කතෝලික රදගුරු සම්මේලනය සඳහන් කරන්නේ.

එමෙන්ම රටට මේ මොහොතේ අවශ්‍ය වන්නේ තීරණාත්මක තත්ත්වයට පිළියම් යෙදීම සඳහා වන කඩිනම් විසඳුමක් සහ තිරසාර සංවර්ධනයේ ශක්ත්මත් පදනමක් මත රට ගොඩනැගීම සඳහා අවශ්‍ය කෙටි කාලීන සහ දිගුකාලීන විසඳුම් සොයා යාම බවද එම නිවේදනයෙන් දක්වා තිබේ.

ASK

LEAVE A REPLY

Please enter your comment!
Please enter your name here

Latest Posts

spot_img

Don't Miss

Stay in touch

To be updated with all the latest news, offers and special announcements.