සටහන – රෂිකා හෙන්නායක
කොළඹ (LNW): නොසිතූ මොහොතක බදුල්ලේ පාසල් මහා ක්‍රිකට් තරගාවලියක් වෙනුවෙන් පැවති රථ පෙළපාළියක් අතරතුර ජීප් රථයක් පෙරළී සිදු වූ අනතුරකින් පාසල් ළමුන් දෙදෙනෙකු අද (01) ජීවීතක්ෂයට පත්විය.
එම අනතුරින් තවත් 08 දෙනෙකු තුවාල ලබා බදුල්ල මහ රෝහලට ඇතුළත් අර ඇති අතර ඉන් දෙදෙනෙකුගේ තත්ත්වය බරපතළ බව රෝහල් වෛද්‍යවරයෙක් ප්‍රකාශ කළේය .
බදුල්ල ජනප්‍රිය පාසල් දෙකක් අතර පාසල් මහා ක්‍රිකට් තරගාවලිය මෙලෙස පැවැත්වෙමින් තිබුණි.එම තරඟයට සමගාමීව පැවැත්වූ රථ පෙළපාළියේ ගමන් ගත් ජීප් රථයක් පෙරළීයාමෙන් මෙම අනතුර සිදුවිය.
පොලීසිය පැවසුවේ බදුල්ල නව ක්‍රීඩාංගණය අසල සිදුවූ මෙම අනතුරින් තුවාල ලැබුවන් බදුල්ල මහ රෝහල වෙත ඇතුළත් කළ බවය.
අනතුරින් බදුල්ල ධර්මදූත විදුහලේ 13වන ශ්‍රේණියේ අධ්‍යාපනය ලබමින් සිටි සිසුන් දෙදෙනෙකු ජීවිතක්ෂයට පත්වී ඇති බවත් ,
රවිදු දුලක්ෂණ ජයතිලක සහ හරින්ද්‍ර රුක්මාල් යන සිසුන් දෙදෙනා මෙම අවාසනාවන්ත අනතුරින් ජීවිතක්ෂයට පත්වී ඇති බවත් තොරතුරු වාර්තා වේ.
