පවතින ආර්ථික හා දේශපාලන අර්බුදය විසඳීම සඳහා භාරකාර ආණ්ඩුවක් පිහිටුවීමේ යෝජනාවට අග්රාමාත්ය මහින්ද රාජපක්ෂ මහතා එකඟ වී ඇති බව දේශපාලන ආරංචිමාර්ග පවසයි.
පාර්ලිමේන්තුව නියෝජනය කරන සියලුම පක්ෂවල සහභාගීත්වයෙන් අන්තර්වාර භාරකාර ආණ්ඩුවක් පිහිටුවීමට මෙම යෝජනාව ඉදිරිපත් කර තිබුණේ විමල් වීරවංශ, උදය ගම්මන්පිල යන මහත්වරුන් ඇතුළු ආණ්ඩුවේ කුඩා පක්ෂ සන්ධානය විසිනි.
අද දිනයේදී විමල් වීරවංශ, උදය ගම්මන්පිල, වාසුදේව නානායක්කාර හා ටිරාන් අලස් යන මහත්වරුන් අග්රාමාත්යවරයා හමුවී සාකච්ඡා කර ඇති අතර ඊට අග්රාමාත්යවරයා එකඟ වී ඇති බව සඳහන්.
ඒ අනුව බොහෝදුරට හෙට (04) හෝ අනිද්දා (05) දිනය වනවිට අලුත් කැබිනට් මණ්ඩලයක් සහිතව භාරකාර ආණ්ඩුවක් පිහිටුවීමට ඉඩ ඇති බවයි ආරංචිමාර්ග වැඩිදුරටත් පැවසුවේ.
RN
