කුප්පි ලාම්පුවක් පෙරළීමෙන් ඇතිවූ ගින්නකින් තුවාල ලැබූ බිළිඳෙකු මියයාමේ පුවතක් මුලතිව්, පුදුකුඩිඉරිප්පු, තෝරාවිල් ප්‍රදේශයෙන් වාර්තා වේ.
මෙසේ මියගොස් ඇත්තේ මාස 6ක් වයසැති බිළිඳෙකි.
දැඩි ආර්ථික දුෂ්කරතා මධ්‍යයේ කුඩා කාමරයක මෙම පවුල ජීවත්ව සිට ඇති අතර පසුගිය 22 වනදා මෙම අනතුර සිදුව ඇත. අනතුර සිදුවන අවස්ථාවේදී බිළිඳාගේ දෙමව්පියන් ගෙමිදුලේ සිට ඇති බව සඳහන්.
අනතුරින් පිළිස්සුම් තුවාල ලද බිළිඳා යාපනය ශික්ෂණ රෝහලේ ප්‍රතිකාර ලබමින් සිටියදී පෙරේදා (01) මියගොස් ඇති බවයි පොලිසිය ප්‍රකාශ කළේ.
RN
