සටහන – රෂිකා හෙන්නායක
අප්රේල් 05 , කොළඹ (LNW): වෛද්ය සැපයීම් අංශයේ අධ්යක්ෂ වෛද්ය කපිල වික්රමනායක මහතා ප්රමිතියෙන් තොර ප්රතිදේහ එන්නත් මිලදී ගැනීමේ සිද්ධිය සම්බන්ධයෙන් මේ වනවිට රක්ෂිත බන්ධනාගාර සිටින අතර, එම රක්ෂිත බන්ධනාගාර ගත කිරීමට එරෙහිව ගොනුකර තිබෙන රිට් පෙත්සමේ අතුරු ඉල්ලීම් පිළිබඳ නියෝගය ප්රකාශ කිරීම අභියාචනාධිකරණය විසින් ලබන 09 වනදා දක්වා කල් තැබීය.
අද (05) දින එම නියෝගය අභියාචනාධිකරණ විනිසුරු ඩී. එන්. සමරකෝන් මහතා විසින් ප්රකාශයට පත් කිරීමට නියමිතව තිබිණි. එහෙත් විනිසුරුවරයා කියා සිටියේ, එම නියෝගය ලබන අඟහරුවාදා (09) ප්රකාශයට පත් කරන බවය.
අදාළ වෛද්යවරයා සිය නීතිඥවරු මාර්ගයෙන් , තමන්ව රක්ෂිත බන්ධනාගාර ගත කිරීමට මාළිගාකන්ද මහෙස්ත්රාත් අධිකරණය කරනු ලැබූ තීරණය නීතියට පටහැනි බවත් එබැවින් තමන්ව ඇප මත මුදාහරින ලෙසත් ඉල්ලමින් මෙම පෙත්සම ඉදිරිපත් කර තිබූ බව සඳහන් වේ.
![](https://sinhala.lankanewsweb.net/wp-content/uploads/2024/04/LNW-Newsroom-ad-at-the-bottom-Sin-20-1024x137.png)