නිර්වින්දන ඖෂධ හිඟය හේතුවෙන් නවලෝක සහ ආසිරි පෞද්ගලික රෝහල් තුළ සැත්කම් බොහෝ ප්‍රමාණයක් නතර කිරීමට සිදුව ඇතැයි තොරතුරු වාර්තා වන බවට පළකර තිබෙන ප්‍රවෘත්තිය නිවැරදි බවක් නැතැයි එම රෝහල් දෙකෙහිම ප්‍රකාශකයින් දෙදෙනෙකු සඳහන් කරන ලදී.
ඒ අනුව පිළිතුරු දීමේ අයිතිය තහවුරු කරමින් රෝහල පාර්ශවයෙන් අප වෙත අවධාරණය කළ කාරණයද අපි වාර්තා කර සිටිමු.
ඔවුන් පැවසුවේ මෙම පෞද්ගලික රෝහල් තුළ සැත්කම් සම්බන්ධයෙන් එවැනි ප්‍රශ්න සහගත තත්ත්වයක් මතුව නැති අතර සාමාන්‍ය පරිදි රෝහලේ කටයුතු සිදුවන බවයි.
මෙහිදී ආසිරි රෝහලේ ප්‍රකාශකයා වැඩිදුරටත් පැවසුවේ ඔවුන් සතුව සෑම අවස්ථාවකම ඉදිරි මාස තුනක කාලයක් සඳහා අවශ්‍ය ඖෂධ ඇතුළු අවශ්‍ය දෑ සංචිතයක් ලෙස පවත්වාගෙන යන බවයි.
