සටහන – රෂිකා හෙන්නායක
අප්‍රේල් 08, කොළඹ (LNW): බන්ධනාගාරගත ඉස්ලාම් ආගමික රැඳවියන් සඳහා පමණක් 2024.04.11 දිනට යෙදෙන රාමසාන් දිනය වෙනුවෙන්, අමුත්තන් පෙන්වීමේ කටයුතු සිදු කිරීමට බන්ධනාගාර දෙපාර්තමේන්තුව කටයුතු යොදා තිබෙන බව පවසයි.
සියළුම බන්ධනාගාර ආයතන කටයුතු කර ඇත්තේ, ඉස්ලාම් ආගමික සිරකරුවන්ගේ ඥාතීන් විසින් තම නිවසින් රැගෙන එන ආහාර, රසකැවිලි හා සනීපාරක්ෂක ද්‍රව්‍ය එක් අයෙකුට සරිලන ප්‍රමාණ‍යක් පමණක්, පවතින නීතිරීති හා නියමිත සෞඛ්‍ය ආරක්ෂිත ක්‍රම‍වේදයන් යටතේ ලබා දීමටයි.
2024.04.12 හා 13 දිනට යෙදෙන සිංහල හා හින්දු අළුත් අවුරුද්ද වෙනුවෙන් බන්ධනාගාරගත රැඳවියන් සඳහා 2024.04.12 හා 13 දින දෙක තුළ අමුත්තන් පෙන්වීමේ කටයුතු සිදු කිරීමට බන්ධනාගාර දෙපාර්තමේන්තුව කටයුතු යොදා ඇත,
ඒ අනුව,රැඳවියන්ගේ ඥාතීන් විසින් තම නිවසින් රැගෙන එන ආහාර, රසකැවිලි හා සනීපාරක්ෂක ද්‍රව්‍ය එක් අයෙකුට සරිලන ප්‍රමාණ‍යක් පමණක්, පවතින නීතිරීති හා නියමිත සෞඛ්‍ය ආරක්ෂිත ක්‍රම‍වේදයන් යටතේ ලබා දීමට සියළුම බන්ධනාගාර ආයතන කටයුතු කර ඇත.
