ජනාධිපති ගෝඨාභය රාජපක්ෂ මහතාට සහ ආණ්ඩුවට එරෙහිව ජනතාව විසින් කොළඹ ගෝල්ෆේස් පිටිය අසල ඊයේ උදෑසන ආරම්භ කළ විරෝධතාවය අදත් (10) අඛණ්ඩවම පැවැත්වීමට නියමිත බව වාර්තා වේ.
ඊයේ උදෑසන 9.00 ට ආරම්භ කෙරුණු විරෝධතාවට දවස පුරාම විවිධ ප්‍රදේශවලින් විවිධ ක්ෂේත්‍ර නියෝජනය කරන විවිධ වයස් කාණ්ඩවල ජනතාව එක්වූ අතර රාත්‍රිය මුළුල්ලේමත් අඛණ්ඩව එම විරෝධතාව ක්‍රියාත්මක විය.
අප්‍රේල් 11 සහ 12 විශේෂ රජයේ නිවාඩු දින වශයෙන් ප්‍රකාශයට පත්කර තිබියදී සහ ඉන්ධන හිඟය හේතුවෙන් ප්‍රවාහන දුෂ්කරතා පැන නැඟී තිබියදීත් අතිවිශාල පිරිසක් මෙම විරෝධතාවට එක්ව සිටීම විශේෂත්වයකි.
එමෙන්ම මෙම විරෝධතාව කිසිදු දේශපාලන පක්ෂයක් හෝ සංවිධානයක් විසින් මෙහෙයවන්නක් නොවී ජනතාව ස්වේච්ඡාවෙන්ම එකතුවෙමින් සිදුකරන්නක් වීම ද සුවිශේෂී වේ.
RN