සටහන – නිශ්මං රණසිංහ
අප්‍රේල් 11, කොළඹ (LNW): සමාජ ජාලාවක හතුරුසිංහ නැවත බංගලාදේශ ක්‍රිකට් සඳහා එකතු නොවන බව ප්‍රකාශ කර තිබෙන බවට පළ වූ ප්‍රවෘත්තියකට ප්‍රතිචාර දක්වන එරට ජනතාව ඔහුගේ ඉවත්වීම සම්බන්ධයෙන් සිය සතුට පළ කර තිබෙනවා.හතුරුසිංහ පසුගිය කාලයේ බංගලාදේශ ක්‍රිකට් පරිපාලනය විවේචනය කරමින් එරට ක්‍රීඩකයන්ට බංගලාදේශය කේන්ද්‍ර කරගෙන පැවත්වෙන විස්සයි විස්ස ලීග් තරගාවලියේදී ප්‍රමාණාත්මකව අවස්ථාව නොලැබෙන බවට චෝදනා කළා.
හතුරු ඒ ආකාරයට පරිපාලනය ක්‍රිකට් කණ්ඩායම වෙනුවෙන් දක්වන ප්‍රතිචාර වෙනස් කරමින් දක්ෂයන් සොයා ගැනීමට කටයුතු කළ යුතු ආකාරය පෙන්වා දෙමින් මෙන්ම බංගලාදේශ ඉතිහාසයේ සුවිශේෂ ජයග්‍රහණ කණ්ඩායමට ගෙන දෙන්නට මැදිහත් වූ පුහුණුකරුවා ද වෙනවා.අවසානයට නිමාව දුටු ශ්‍රී ලංකා තරගාවලියේදී බංගලාදේශය එක්දින තරගාවලිය පමණක් ජය ගෙන විස්සයි විස්ස සහ විශේෂයෙන් ටෙස්ට් තරගාවලියේදී බරපතල පරාජයක් ලැබීම හැරෙන්නට බංගලාදේශය ඉකුත් සමයේ සෙසු රටවල්වලට අභියෝගයක් වන අන්දමේ ක්‍රිකට් ක්‍රීඩාවක නියැළුණා.
විශේෂයෙන් එංගලන්තය ටෙස්ට් කරගාවලියේදී පරාජය කිරීම මෙන්ම නවසීලන්තය සමඟ 1-1 ලෙස ටෙස්ට් තරගාවලිය සම ගර ගැනීම සම්බන්ධයෙන් බංගලාදේශ ක්‍රිකට් ගැන ලෝකය අවධානයෙන් සහ පැහැදීමෙන් සාකච්ඡා කළා.ඒ ආකාරයට බංගලාදේශ ක්‍රිකට් ක්‍රීඩාවට විශාල කීර්තියක් ගෙනා හතුරුසිංහ එරට හැර යන බවට කළ ප්‍රකාශයට එරට ජනතාව දක්වන ප්‍රතිචාරය කෘතවේදීත්වයෙන් තොර එකක් වීම ගැන කණගාටුයි.ඇතැමෙක් රාමසාන් දිනය ප්‍රීතිමත් කිරීමට දෙවියන් වහන්සේ විසින් ලබා දුන් දෙයක් හැටියට ද සිය සතුට ප්‍රකාශ කරමින් බංගලාදේශ වැසියන් පවසා තිබෙනු දකින්නට ලැබුණා.
