මේ වනවිට ජනාධිපතිවරයාට සහ ආණ්ඩුවට එරෙහිව පාරට බැස උද්ඝෝෂණයෙහි නියැළෙන තරුණ තරුණියන්ගේ හිත්වලට ඊට අදාළ මතවාදය ගෙන ආවේ ජනතා විමුක්ති පෙරමුණේ නායක අනුර කුමාර දිසානායක මහතා විසින් බවත් ඔහු නොසිටියේ නම් ශ්රී ලංකාව මේ වනවිට විකිණී අවසන් බවත් එම පක්ෂයේ හිටපු පාර්ලිමේන්තු මන්ත්රී සුනිල් හඳුන්නෙත්ති මහතා පවසයි.
“අනුර කුමාර දිසානායක පාර්ලිමේන්තුවේ හැමදාම අංක එක. හැමදේකින්ම අංක එක. ඉදිරිපත් කිරීමෙන්, තර්ක කිරීමෙන්, කතා කිරීමෙන්, වාද විවාදවලට සම්බන්ධ වීමෙන්, හැමදේකින්ම ජනතාවගේ පැත්තෙ ඉඳගෙන. හොරුන්ගෙ පැත්තෙ ඉඳගෙන නෙවෙයි කවදාවත්. හොරුන්ගෙ රෙදි ගැලෙව්වෙ එයා. අද හොරු අපට එපා කියලා පාරට බහින හැම සහෝදරයෙක් සහෝදරියක්ම දන්නෙ නැති කාරණාවකුත් තියෙනවා. ඒ හොරු අපට එපා කියන මතය ඕගොල්ලොන්ගෙ ඔළුවට ගෙනාවේ වෙන කවුරුත් නෙවෙයි අනුර කුමාර දිසානායක. අනුර දිසානායක නැත්නම් අද මේ රටේ හොරු පිණුම් ගහනවා. අද හොරු මේ රට මේ තරමින්වත් ඉතුරු කරන්නෙ නෑ. අනුර කුමාර දිසානායක නැත්නම් අද මේ රට විකිණිලා ඉවරයි. එහෙනම් මොකක්ද අනුර කුමාර දිසානායකගෙ තියෙන වැරැද්ද ? 225 ම ගොඩට දාන්න මොකක්ද තියෙන ප්රශ්නය ? ඒ හින්දා අපි කියනවා ඕගොල්ලො ඕනෙ ගාණක් දාගන්න, හැබැයි අපේ තුන්දෙනා ඔතෙන්ට දාන්න බෑ”
සුනිල් හඳුන්නෙත්ති මහතා මේ බව පැවසුවේ ජාතික ජන බලවේගයේ ජන හමුවක් අමතමිනි.
RN
