ක්‍රෙඩිට් කාඩ්පත් සඳහා පනවා තිබූ උපරිම පොලී අනුපාතික සීමා ඉවත් කිරීමට ශ්‍රී ලංකා මහ බැංකුව තීරණය කර තිබෙනවා. මීට අමතරව තාවකාලික බැංකු අයිරා, උකස් පහසුකම් සඳහා පනවා තිබූ උපරිම පොලී සීමාද ඉවත් කර තිබේ.
ඒ අනුව ණය කාඩ්පත්, තාවකාලික බැංකු අයිරා, උකස් පහසුකම් සඳහා පොලිය තීරණය කිරීම වාණිජ්‍ය බැංකුවල අභිමතය පරිදි සිදුවනු ඇත.
පසුගිය 08 වැනිදා රැස් වූ මහ බැංකුවේ මුදල් මණ්ඩලය, ප්‍රතිපත්ති පොලී අනුපාතික පදනම් අංක 700 කින් ඉහළ දමා තිබෙනවා.
මේ හරහා මුදල් සහ ණය ප්‍රසාරණය අඩුවීම, සංසරණයේ පවතින අතිරික්ත මුදල් බැංකු පද්ධතිය වෙත නැවත ලබා ගැනීමට පෙළඹවීම, පොලී අනුපාතික විෂමතා ඉවත් කිරීම, විනිමය අනුපාතික මත පවතින පීඩනය ලිහිල් කිරීම සහ ආර්ථිකය ඉල්ලුම් පීඩන ඇති වීම අවම කරනු ඇති බවත් මුදල් මණ්ඩලය අපේක්ෂා කරයි.
UN
