විරෝධතාව පස්වැනි දිනටත්. අරගලයේ නියුතු ජනතාව ගෝල්ෆේස් පිටියේම අවුරුදු සමරන්න සූදානමින්

Date:

ජනාධිපතිවරයාටත් ආණ්ඩුවටත් විරෝධය පළ කරමින් අප්‍රේල් 09 වෙනිදා කොළඹ ගෝල්ෆේස් පිටිය අසල ආරම්භ කෙරුණු විරෝධතාව අඛණ්ඩවම අද (13) දිනයේත් ක්‍රියාත්මක වේ.

ගතවූ දින හතර තුළ දිවයිනේ විවිධ ප්‍රදේශවලින් පැමිණි ජනතාව ගෝල්ෆේස් පිටිය අසල කූඩාරම් පිහිටුවා වාඩිලාගත් අතර අව්වැසි නොතකා එහි රැඳී සිටිමින් පැය 24 පුරා අඛණ්ඩ උද්ඝෝෂණයක් මේ දක්වාම පවත්වාගෙන යති.

ඔවුන් මෙම විරෝධතා කඳවුර “ගෝඨාගෝගම” වශයෙන් නම්කර ඇති අතර මෙවර සිංහල – දෙමළ අලුත් අවුරුද්ද ද එහිම සිට සැමරීමට සූදානමින් සිටිති.

කිසිදු දේශපාලන පක්ෂයක මෙහයවීමෙන් තොරව ජනතාව ස්වේච්ඡාවෙන් සංවිධානය වෙමින් මෙම විරෝධතාව පවත්වාගෙන යන අතර විවිධ වෘත්තිකයින්, කලාකරුවන්, ආගමික නායකයින් ඇතුළු පිරිස්වල සහයෝගය ද ඊට ලැබෙමින් තිබේ.

මෙම විරෝධතාව ශ්‍රී ලංකාවේ මෙතෙක් දේශපාලන ඉතිහාසයෙහි නවමු අත්දැකීමක් වශයෙන් සටහන් වනු නියත ය.

RN

Share post:

spot_imgspot_img

Popular

More like this
Related

දකුණු කොරියාවේ අලුත්ම සූදානම..

රෂිකා හෙන්නායක අගෝස්තු 15, ලෝකය (අවුට්බවුන්ඩ් ටුඩේ): උතුරු කොරියානු දේශසීමාවේ...

ඉන්දීය මහකොමසාරිස් කාර්යාලයට එජාපයේ බලවත් විරෝධය ?

ඉන්දියාවේ 79 වැනි නිදහස් දිනය නිමිත්තෙන් මෙරට මුද්‍රිත මාධ්‍යවල...

හිටපු රාජ්‍ය අමාත්‍ය ලොහාන් රත්වත්තේ අභාවප්‍රාප්ත වෙයි !

හිටපු රාජ්‍ය අමාත්‍ය ලොහාන් රත්වත්තේ අභාවප්‍රාප්ත වී තිබේ. අසනීප තත්වයක්...

ඉන්දීය 79 වන නිදහස් දින සැමරුම් උත්සවය මහනුවරදී..

රෂිකා හෙන්නායක අගෝස්තු 15, කොළඹ LNW: අද (15) දින, ඉන්දීය...