ජනාධිපති ගෝඨාභය රාජපක්ෂ මහතාට සහ ආණ්ඩුවට සහාය පළකරමින් රඹුක්කන ප්‍රදේශයේ ඊයේ (12) පැවැත්වුණු උද්ඝෝෂණයකට ප්‍රදේශයේ ජනතාවගෙන් දැඩි විරෝධයක් එල්ල වී තිබේ.
සුළු පිරිසක් එක්ව “කාගෙද මේ බලවේගේ – මහින්දගේ බලවේගේ” යනාදී සටන් පාඨ කියමින් මෙම උද්ඝෝෂණයේ නිරත වූ අතර එම ස්ථානයට පොලිස් ආරක්ෂාව ද ලබාදී තිබිණි.
ඒ අවට සිටි ජනතාව විශාල පිරිසක් එක්ව ඔවුන්ට හූ කියමින් දැඩි විරෝධතාවක් පළ කළ අතර අවසානයේ ආණ්ඩුවට සහාය පළ කළ උද්ඝෝෂකයින් එම උද්ඝෝෂණය නවතා දමා ඉවත්ව යන ආකාරය ද දක්නට ලැබිණි.
RN
