සටහන – රුවන් නෙළුගොල්ල
2025 සිංහල – දෙමළ අලුත් අවුරුද්ද අද (අප්‍රේල් 14) පූර්වභාග 03.21 ට උදා විය.
මෙවර නැකැත් සීට්ටුව අනුව ආහාර පිසීමේ නැකැත අද පූර්වභාග 04.04 ට යෙදී තිබේ.
එහිදී තඹ වර්ණ වස්ත්‍රාභරණයෙන් සැරසී දකුණු දිශාව බලා ලිප් බැඳ, ගිනි මොළවා කිරිබතක් හා කැවිලි වර්ගයක්ද දීකිරි සහ විලඳ ද පිළියෙල කරගැනීම මැනවි.
වැඩ ඇල්ලීම, ගනුදෙනු කිරීම සහ ආහාර අනුභව කිරීමේ නැකැත අද පූර්වභාග 06.44 ට යෙදී ඇති අතර එහිදී මුතු හා ස්වේත වර්ණ වස්ත්‍රාභරණයෙන් සැරසී දකුණු දිශාව බලා සියලු වැඩ අල්ලා, ගනුදෙනු කොට ආහාර අනුභව කිරීම යහපත් බවයි නැකැත් සීට්ටුවේ සඳහන් වන්නේ.
