සටහන – රෂිකා හෙන්නායක
අප්‍රේල් 16 , ලෝකය (අවුට්බවුන්ඩ් ටුඩේ): ඊශ්‍රායල කැබිනට් මණ්ඩලය රැස්වී තිබෙන බව විදෙස් මාධ්‍ය වාර්තා කරයි.
ඒ ඉරාන මිසයිල ප්‍රහාරයට ප්‍රතිචාර දැක්වීම සඳහා සාකච්ඡා කිරීමට බව සඳහන් වේ.
මෙම රැස්වීමේ දී ඉරානය සම්බන්ධයෙන් ගනු ලබන ක්‍රියාමාර්ගය පිළිබද තීරණයක් ගෙන තිබේද යන්න ඊශ්‍රායලය මෙතෙක් ප්‍රසිද්ධ කර නැති බව පැවසේ.
ඊශ්‍රායලයට මිත්‍ර රටවල් ඉරානයේ ක්‍රියාව දැඩි ලෙස හෙළා දැක ඇති අතර සන්සුන්ව කටයුතු කරන ලෙස බෙන්ජමින් නෙතන්යාහුගේ රජයෙන් ඉල්ලා සිටින බව ජාත්‍යන්තර මාධ්‍ය වාර්තා කරයි.
මේ අතර ඇමරිකාවද ඊශ්‍රායලයට කියා ඇත්තේ තමන් ඉරානයට එල්ල කරන ප්‍රහාරයකට සහාය නොදක්වන බවයි.
තවදුරටත් ප්‍රහාර එල්ල කළහොත් ඉදිරියේදී දැඩි පියවර ගන්නා බව, ඉරානය ද අනතුරු අඟවා ඇති බව විදෙස් මාධ්‍ය වාර්තා කරයි.
