අලුතින් දිවුරුම් දීමට නියමිත කැබිනට් මණ්ඩලයේත් ජොන්ස්ටන් ප්‍රනාන්දු මහතාට අමාත්‍ය ධුරයක් ලැබෙනු ඇති බව ආරංචිමාර්ග පවසයි.
අමාත්‍ය ධුර 15කට සීමා කිරීමට මුලින් යෝජනා වී තිබුණු නව කැබිනට් මණ්ඩලය මේ වනවිට 22ක් දක්වා ඉහළ ගොස් ඇති බවත් සඳහන්.
කෙසේවෙතත් ප්‍රසන්න රණතුංග, බන්දුල ගුණවර්ධන සහ මහින්දානන්ද අලුත්ගමගේ යන හිටපු ඇමතිවරුන් නව කැබිනට් මණ්ඩලයේ තනතුරු භාරගැනීම ප්‍රතික්ෂේප කර ඇති බවත් වාර්තා විය.
එමෙන්ම ජීවන් තොණ්ඩමන් මහතාට ක්‍රීඩා අමාත්‍ය ධුරය ලබාදීමට රජය සූදානම් වුවත් ඔහු එය ප්‍රතික්ෂේප කර ඇති අතර අමාත්‍ය ධුර භාර නොගන්නා නමුත් ආණ්ඩුවට එරෙහි විශ්වාසභංග යෝජනාවට අත්සන් නොකිරීමට ද ඔහු පොරොන්දු වී ඇති බවත් ආරංචිමාර්ග වැඩිදුරටත් පැවසීය.
RN