හිටපු මුදල් අමාත්‍ය රවී කරුණානායකගේ මෑණියන් අභාවප්‍රාප්ත වෙයි

ඉසුරු පරාක්‍රම

කොළඹ (LNW): හිටපු මුදල් අමාත්‍ය රවී කරුණානායක මහතා ගේ මෑණියන් වන කාමලිකා ශ්‍රීයා කරුණානායක මහත්මිය අද (17) දින අභාවප්‍රාප්ත වී තිබේ.

පෞද්ගලික රෝහලකදී ප්‍රතිකාර ලබමින් සිටියදී අභාවප්‍රාප්ත වූ කරුණානායක මහත්මිය මිය යන විට 82 හැවිරිදි වියේ පසුවූවාය.

කාමලිකා ශ්‍රීයා කරුණානායක මහත්මිය හිටපු ජනාධිපති ජේආර් ජයවර්ධන පාලන සමයේ පාර්ලිමේන්තු කටයුතු සම්බන්ධීකාරකවරිය ලෙස කටයුතු කර ඇත.

හෙට (18) දින ප.ව. 01 සිට බොරැල්ලේ AF රේමන්ඩ් අවමංගල්‍ය ශාලාවේ ඇගේ දේහය තැන්පත් කිරීමට නියමිත අතර, දේහය පිළිබඳ අවසන් කටයුතු අප්‍රේල් 19 වන දින ප.ව. 4.30ට බොරැල්ල පොදු සුසාන භූමියේදී සිදුකිරීමට නියමිත බව වාර්තා වේ.