අද (20) දිනයේත් දිවයිනේ ප්‍රදේශ රැසක ජනතාව මහාමාර්ග අවහිර කරමින් විරෝධතාවල නිරත වී සිටින බව වාර්තා වේ.
ඉන්ධන මිල වැඩිකිරීමට සහ ඉන්ධන හිඟයට විරෝධය පාමින් ඔවුහු මෙසේ උද්ඝෝෂණවල නිරත වී සිටිති.
ඒ අනුව අද උදෑසන සිට බලපිටිය ප්‍රදේශයෙන් ගාලුපාර අවහිර කරමින් ජනතා උද්ඝෝෂණයක් පැවැත්වෙමින් තිබේ.
එසේම බදුල්ල – පස්සර මාර්ගය 8 කණුව මංසන්ධියෙන් අවහිර කරමින් ප්‍රදේශවාසීන් පිරිසක් විරෝධතාවක නිරත වෙමින් සිටින අතර එහි ගමනාගමන කටයුතු එක් මංතීරුවකට සීමා වී ඇති බව සඳහන්.
එමෙන්ම පානදුර ප්‍රදේශයෙන් ගාලු පාර අවහිර කරමින් ජනතාව ඊයේ ආරම්භ කළ විරෝධතාව අද දිනයේත් ක්‍රියාත්මක ය.
RN