රඹුක්කන වෙඩි තැබීමේ සිදුවීම පිළිබඳ ස්වාධීන පරීක්ෂණයක් සිදුකොට වැරදිකරුවන්ට නීතියෙන් දඬුවම් ලබාදෙන ලෙස අදාළ බලධාරීන්ගෙන් ඉල්ලා සිටින බව අගරදගුරු අතිඋතුම් මැල්කම් කාදිනල් රංජිත් හිමිපාණන් වහන්සේ පැවසූහ.
උන්වහන්සේ මේ බව සඳහන් කළේ අද (20) කොළඹදී මාධ්‍ය හමුවක් කැඳවමිනි.
දරාගත නොහැකි ආර්ථික දුෂ්කරතාව නිසා එම පීඩාව ප්‍රකාශ කිරීමට උද්ඝෝෂණයේ සහ අරගලයේ යෙදෙන අහිංසක ජනතාව වෙනත් අවිනීත ක්‍රමවලින් මර්දනය කිරීම වහාම නතර කරන ලෙසද රජයට බලකරන බවයි උන්වහන්සේ පැවසුවේ.
උද්ඝෝෂණ, විරෝධතා අභ්‍යන්තරයෙන්ම දුර්වලකිරිම සඳහා යාම යාම උපක්‍රම භාවිතා කල හැකි හෙයින් එම බලවේගවලට ගොදුරු නොවී ඉතාම ගෞරවාන්විතව සාධාරණ අයුරින් විරෝධතා වල නිරත වන ලෙසද උන්වහන්සේ සිහිපත් කළහ.
ASK
