සටහන – රෂිකා හෙන්නායක
අප්‍රේල් 21, කොළඹ (LNW):තලාහේන පක්ෂ කාර්යාලයේ පැවති විශේෂ මාධ්‍ය හමුවකදී සමගි ජන බලවේගයේ පාර්ලිමේන්තු මන්ත්‍රී ෆීල්ඩ් මාර්ශල් සරත් ෆොන්සේකා මහතා කියා සිටියේ,
” මට අවස්ථාවක් ලැබුණොත් පාස්කු ප්‍රහාරයේ මහ මොළකරු නිසැක වශයෙන්ම අල්ලනවා” ලෙසයි.
පාස්කු ප්‍රහාරය සිදුවී වසර පහක් ගත වන අවස්ථාවේදී තවමත් එම ප්‍රහාරයේ මහ මොලකරුවන් නිදැල්ලේ සැරි සරන බවද ඒ මහතා කියා සිටි අතර, බුද්ධි තොරතුරු වලට අනුව එම ප්‍රහාරය සිදුවන දිනය වේලාව ස්ථාන සියල්ලම රාජ්‍ය බුද්ධි තොරතුරු නිලධාරීන් විසින් කලින් දැනුම් දී තිබියදීත් එම ප්‍රහාරය වළක්වා ගැනීමට කටයුතු නොකිරීම සම්බන්ධයෙන් හිටපු රාජ්‍ය ආරක්ෂක අමාත්‍ය, හිටපු ජනපති මෛත්‍රීපාල සිරිසේන මහතා දඬුවම් ලැබිය යුතු බවද සරත් ෆොන්සේකා මහතා වැඩි දුරටත් පවසා සිටියේය.
