ශ්‍රී ලංකා මානව හිමිකම් කොමිසමේ සභාපතිනී රෝහිණී මාරසිංහ මහත්මිය එම තනතුරෙන් ඉවත් කිරීම සඳහා කුමන්ත්‍රණයක් දියත් වෙමින් පවතින බව ආරංචිමාර්ග පවසයි.
විශ්‍රාමික ශ්‍රේෂ්ඨාධිකරණ විනිසුරුවරියක් වන රෝහිණී මාරසිංහ මහත්මිය යටතේ ශ්‍රී ලංකා මානව හිමිකම් කොමිසම අපක්ෂපාතීතව සහ අනම්‍යව කටයුතු කරමින් සිටිමින් බව පැහැදිලිවම පෙන්නට ඇති අතර එය රජයේ ඇතැමුන්ට හිසරදයක් වී තිබේ.
රෝහිණී මාරසිංහ මහත්මිය මානව හිමිකම් කොමිසමට අමතරව බදු අභියාචනා කොමිෂන් සභාවෙහි ද කටයුතු කරමින් සිටී.
ඒ අනුව ඒ මහත්මියට එකවැර මානව හිමිකම් කොමිසමෙහිත් බදු අභියාචනා කොමිසමෙහිත් යන දෙකේම සේවය කළ නොහැකිය යන පදනම මත ඒ මහත්මියව මානව හිමිකම් කොමිසමෙන් ඉවත් කිරීමට කුමන්ත්‍රණකරුවන් කටයුතු කරමින් සිටින බවයි ආරංචිමාර්ග සඳහන් කළේ.
