මොරගහහේන, මිරිස්වත්ත ප්‍රදේශයේදී අද (23) අලුයම පොලීසිය සිදුකළ වෙඩිතැබීමකින් පුද්ගලයින් දෙදෙනෙකු ජීවිතක්ෂ‍යට පත්ව තිබේ.
අද අලුයම 02.00 ට පමණ මොරගහහේන ටයර් කර්මාන්තශාලාව ආසන්නයේදී අණ නොතකා ධාවනය කළ ත්‍රීරෝද රථයකට පොලීසිය වෙඩිතබා ඇති අතර එහිදී ත්‍රීරෝද රථයේ ගමන්ගත් පුද්ගලයින් දෙදෙනෙකු මියගොස් ඇති බවයි පොලීසිය පවසන්නේ.
එමෙන්ම වෙඩිතැබීම සිදුවන අවස්ථාවේදී එම ත්‍රීරෝද රථය තුළ සිටි තවත් අයෙකු ඉන් පළාගොස් ඇති බවත් පොලීසිය සඳහන් කරයි.
RN
