සටහන – රෂිකා හෙන්නායක
අප්‍රේල් 26, කොළඹ (LNW): හෙට (27) දිනයේ පැය 14ක කාලයක් කොළඹ ප්‍රදේශ කිහිපයකට ජල සැපයුම් අත්හිටුවීමට සිදුවන බව ජාතික ජල සම්පාදන හා ජලාපවහන මණ්ඩලය පවසයි.
කොළඹ 05, කොළඹ 06, දෙහිවල, ගල්කිස්ස සහ මොරටුව නගර සභා බල ප්‍රදේශ ජයන්තිපුර, පැලවත්ත යන ප්‍රදේශවල මෙම ජලසැපයුම අත්හිටුවන බව , එම මණ්ඩලය සඳහන් කළේය.
ඒ, අනුව හෙට (27) පස්වරු 5.00 සිට ඉරිදා (28) පෙරවරු 7.00 දක්වා කාලය තුළ ජල සැපයුම අත්හිටුවනු ඇත.
ජාතික ජල සම්පාදන හා ජලාපවහන මණ්ඩලය වැඩිදුරටත් සඳහන් කළේ, අඹතලේ ජල සැපයුම වැඩිදියුණු කිරීමේ බලශක්ති සංරක්ෂණ ව්‍යාපෘතිය මගින් සිදුකරන අත්‍යවශ්‍ය වැඩිදියුණු කිරීමේ කටයුත්තක් මීට හේතුවී ඇති බවයි..
