කොළඹ LNW:ජනාධිපතිවරයාගේ ඍජු මැදිහත්වීමෙන් විමධ්යගත මුදල් පාර්ලිමේන්තු මන්ත්රීවරුන්ගේ ව්යාපෘතිවලට ලබා දෙන ක්රමවේදයට තමා එකඟ නොවන බව සමඟි ජන බලවේගයේ පාර්ලිමේන්තු මන්ත්රී ඉරාන් වික්රමරත්න මහතා පවසනයි.
ඔහු ප්රකාශ කළේ විමධ්යගත අරමුදල් යනු ජනතා මුදල් බැවින් ඒවා භාවිත කොට මන්ත්රීවරුන්ගේ විවිධ ව්යාපෘතිවලට සිය නම් යොදා ජනතාව අතරට පත්කිරීම කිසිසේත්ම අනුමත කළ නොහැකි බවයි.
තමා මුල පටන් විමධ්යගත මුදල් මන්ත්රීවරුන්ට ලබා දීමේ එම ක්රමවේදය අනුමත නොකළ බවත් එම මුදල් ජනාධිපතිවරයා ප්රමුඛ රජය ලබා දෙන්නේ නම් සියලුම මන්ත්රීවරුන්ට ලබා දිය යුතු බවත් පවසන මන්ත්රීවරයා තවදුරටත් සඳහන් කරන්නේ මෙම මුදල් භාවිතයේ දී නිසි සැලසුමක්,පාරදෘශ්යභාවයක් සහිත ක්රමවේදයක් අනිවාර්යයෙන් ම ක්රියාත්මක විය යුතු බවයි.
ජනාධිපතිවරුන් විසින් මීට පෙර අදාළ විමධ්යගත මුදල් මන්ත්රිවරුන් විශාල ප්රමාණයකට ලබාදී තිබුණ ද මෙවර එය තෝරා බේරා සිදුකරන බවක් පෙන්නුම් කරන බවද වික්රමරත්න මහතා කියාසිටියි.
ASK
