කොස්ගොඩ පොලීසිය විසින් අත් අඩංගුවට ගෙන සිටි තරුණයකු බලපිටිය රෝහලට ඇතුළත් කිරීමෙන් අනතුරුව මියගොස් තිබේ.
මෙසේ මියගොස් ඇත්තේ කොස්ගොඩ, හතරමං හන්දිය ප්රදේශයේ පදිංචි 28 හැවිරිදි තරුණයෙකි.
මෙම තරුණයාව ඊයේ (මැයි 01) පස්වරුවේ මත්ද්රව්ය සිද්ධියක් සම්බන්ධයෙන් අත් අඩංගුවට ගෙන ඇත්තේ ඔහුගේ මව්පියන්ම කළ දැනුම් දීමකට අනුව ය.
ඔහු පොලිස් සිර මැදිරියේ සිටියදී ඇතිවූ හදිසි අසනීපයක් හේතුවෙන් සිර මැදිරිය තුළ ක්ලාන්ත වීමෙන් අනතුරුව රෝහල්ගත කළ අතර රෝහලේදී ඔහු මියගොස් ඇති බවයි පොලීසිය පවසන්නේ. මෙම තරුණයා අධික ලෙස මත්ද්රව්යයට ඇබ්බැහි වී සිටි අයෙකු බවත් පොලීසිය සඳහන් කර ඇත.
කෙසේවෙතත් එම තරුණයා අත් අඩංගුවට ගැනීමේදී පොලීසිය ඔහුට බරපතළ ලෙස පහරදී ඇති බවටත් එම පහරදීම් හේතුවෙන් මරණය සිදුව ඇති බවටත් ඔහුගේ ඥාතීහු පොලීසියට චෝදනා කරති.
මීට සති කිහිපයකට පෙරත් වැලිකඩ පොලීසිය විසින් අත් අඩංගුවට ගෙන සිටි තරුණයකු මේ ආකාරයෙන්ම රෝහල්ගත කිරීමෙන් පසු මරණයට පත්වූ අතර මේ වනවිට ඔහුගේ දේහය යළි ගොඩගෙන ඒ සම්බන්ධයෙන් විමර්ශනයක් සිදුකෙරෙමින් තිබේ.
