සටහන – රෂිකා හෙන්නායක
මැයි 03, කොළඹ (LNW): එක්සත් අරාබි එමීර් රාජ්‍යයේ බන්ධනාගාරගතව සිටින ශ්‍රී ලාංකිකයින් 44 දෙනෙකුට එරට රාජකීය සමාව හිමිව තිබේ.
විවිධ වැරදි සම්බන්ධයෙන් ඔවුන් සිරගතව සිට ඇත.
අබුඩාබිහි ශ්‍රී ලංකා තානාපති කාර්යාලය නිවේදනය කරන්නේ, අප්‍රේල් මාසයට යෙදී තිබූ රාමසාන් සමය හේතුවෙන් මෙම රාජකීය සමාව හිමිව ඇති බවයි.
මෙම ශ්‍රී ලාංකිකයින් කඩිනමින් ශ්‍රී ලංකාවට ගෙන්වා ගැනීම සඳහා මෙරට විදේශ කටයුතු අමාත්‍යංශය සහ අබුඩාබිහි ශ්‍රී ලංකා තානාපති කාර්යාලය කටයුතු මේ වන විට සූදානම් කරමින් ඇති බව වාර්තා වේ.
