නිශ්මං රණසිංහ මැයි 03, කොළඹ LNW:
ගම්පහ දිස්ත්‍රික මලල ක්‍රීඩා සංගමය සංවිධානය කරන නිගම්ඹු ෆන් නයිට් රෝඩ් රේස් 2025 මැයි 10 වන දා පැවත්වීමට කටයුතු සූදානම්ව තිබෙනවා.එදින පස්වරු 5.00 ට පැවත්වෙන කිලෝ මීටර් 5 ක දුරැති මෙම ධාවන තරගවල ජයග්‍රාහකයන් තේරීම ප්‍රධාන වශයෙන් කොටස් තුනකට බෙදා පැවත්වෙනවා.ඒ අවුරුදු 16 – 20 අතර,අවුරුදු 20 ට වැඩි සහ විදේශිකයන්ට ලෙසයි.
මේ කාණඩ තුන යටතේම කාන්තා සහ පිරිමි ලෙස තරග ක්‍රියාත්මක වන අතර ඒ අනුව පැවත්වෙන තරග අංශ හයේම ජයග්‍රාහකයින්ට මුදල් ත්‍යාග,තැගි වවුචර්,සහතික සහ පදක්කම් පිරිනෑමට සංවිධායක මණ්ඩලය කටයුතු සූදානම් කර තිබෙනවා.මිගමුව කඩොල්කැලේ ක්‍රීඩාංගණය අසළින් ඇරඹි තරගය ඒත්තුකාල වෙරළ උද්‍යානයෙන් අවසන් වීමට නියමිතව තිබෙනවා.
