මැයි 12 වැනිදා ශ්‍රේෂ්ඨාධිකරණය හමුවේ පෙනී සිටින්නැයි නීතිපතිවරයාට නියෝග කර තිබෙනවා. ශ්‍රී ලංකා නීතිඥ සංගමය විසින් ගොනුකර ඇති පෙත්සමක් අද කැඳවූ අවස්ථාවේදී මෙම නියෝගය නිකුත් කළේය.
ඉන්ධන, ගෑස්, විදුලිය ඇතුළු අත්‍යවශ්‍ය ද්‍රව්‍ය හා සේවා හිගයකින් තොරව ලබාදීමට පියවර ගන්නැයි ඉල්ලා ශ්‍රී ලංකා නීතිඥ සංගමය මෙම පෙත්සම ගොනුකර තිබේ. මෙම අත්‍යවශ්‍ය ද්‍රව්‍ය හා සේවා සම්බන්ධයෙන් මතුව ඇති හිගය මගහැරවීමට අදාලව ගෙන ඇති පියවර මොනවාදැයි විමසීම සඳහායි නීතිපතිවරයා කැඳවා තිබෙන්නේ.
ප්‍රීති පද්මන් සූරසේන, අර්ජුණ ඔබේසේකර, මහින්ද සමයවර්ධන යන ශ්‍රේෂ්ඨාධිකරණ විනිසුරුවරුන්ගෙන් සමන්විත ත්‍රිපුද්ගල විනිසුරු මඩුල්ලක් හමුවේ මෙම පෙත්සම කැඳවා තිබිණි.
UN
