කොළඹ LNW:විදුලිබල හා බලශක්ති අමාත්‍ය කංචන විජේසේකර මහතා විසින් ඉදිරිපත් කළ යෝජනාව අනුව වසර විස්සක කාලයක් සඳහා අදාළ මිල ගණන් යටතේ M/s Adani Green Energy SL Limited වෙතින් විදුලිය මිල දී ගැනීම සඳහා වන ටෙන්ඩරය පිරිනැමීමටත් කැබිනට් අනුමැතිය හිමිව තිබේ.
ඒ අනුව මන්නාරම සහ පූනරින්හි මෙගාවොට් 484ක සුළං විදුලි බලාගාර සංවර්ධනය කිරීම සඳහා වන අවබෝධතා ගිවිසුම් ගතවීමට නියමිතයි.
යෝජිත ව්‍යාපෘතිය යටතේ නිෂ්පාදනය කරන විදුලිය සඳහා කිලෝවොට් පැයකට අමෙරිකානු ඩොලර් ශත 8.26ක් අවසන් ගාස්තුව වශයෙන් පිළි
ගැනීමට ද කැබිනට් අනුමැතිය හිමිව ඇත.
ඉන්දියාවේ M/s Adani Green Energy Limited විසින් මන්නාරම සහ පූනරින්හි සුළං විදුලි බලාගාර සංවර්ධනය කිරීම සඳහා අවබෝධතා ගිවිසුමක එළඹීමට ඉකුත් 2022 වසරේ මාර්තු 07 වැනි දා පැවැති අමාත්‍ය මණ්ඩල රැස්වීමේ දී අනුමැතිය හිමිව තිබුණි.
ඒ අනුව එම සමාගම විසින් ඉදිරිපත් කළ ව්‍යාපෘති යෝජනාව ඇගයීම සඳහා අමාත්‍ය මණ්ඩලය විසින් පත් කළ සාකච්ඡා සම්මුති කමිටුවේ නිර්දේශ මත පදනම්ව අමාත්‍ය මණ්ඩලය උක්ත අනුමැතිය ලබා දී ඇත.
ASK
