පසුගිය දිනක වීසා ගැටලුවක් සම්බන්ධයෙන් ගුවන්තොටුපොළේ දී අදහස් දැක්වූ සඳරු කුමාරසිංහ මහතාව පොලිසියට කැඳවා ඒ සම්බන්ධයෙන් ප්‍රශ්න කර ඇති බවත් මෙය පොලිස් රාජ්‍යයක් නොව ප්‍රජාතන්ත්‍රවාදී රටක් බවත් භාෂණයේ නිදහස් ඇති නිසා ඔහුට කරදර නොකරන ලෙසත් විපක්ෂ නායක සජිත් ප්‍රේමදාස මහතා අද පාර්ලිමේන්තුවේ දී පැවසීය.
සඳරු කුමාරසිංහ මහතා පසුගිය දිනක ගුවන්තොටුපොළේ දී යම් කාරණයක් සම්බන්ධයෙන් සිය මතය ඉදිරිපත් කිරිම සමාජ මාධ්‍ය හරහා දැක ගැනීමට හැකි වූ බවත් ඒ මහතාට මේ රටේ ආණ්ඩුක්‍රම ව්‍යවස්ථාව අනුව භාෂණයේ නිදහස කතා කිරීමේ නිදහස ඇති බවත් එය අවහිර කිරිමට නොහැකි බවත් ඔහු ඔහුගේ මතය ඉදිරිපත් කර ඇති නිසා මේවා දුරදිග ගෙන යාම පළක් නොවන බවත් විපක්ෂ නායකවරයා වැඩිදුරටත් කියා සිටියේය.
