තමන් සමූපකාර සේවා හා පාරිභෝගික ආරක්ෂණ රාජ්‍ය අමාත්‍ය ධුරයෙන් ඉල්ලා අස්වීමේ ලිපිය ජනාධිපති ගෝඨාභය රාජපක්ෂ මහතාට භාරදුන් බව ගුණපාල රත්නසේකර මහතා පවසයි.
එහෙත් ජනාධිපතිවරයා ඒ මොහොතේදී ම එම ඉල්ලා අස්වීම භාරගැනීම ප්‍රතික්ෂේප කළ බවයි රාජ්‍ය අමාත්‍යවරයා සඳහන් කළේ.
“මම අවංකව පිළිගන්නවා මේ අමාත්‍යධූරවල වැඩකරන්න පුළුවන් තරම් වාතාවරණයක් නෑ. ඒ නිසා මම පෞද්ගලිකව මගේ අමාත්‍යධූරයෙන් ඉල්ලා අස්වීමේ ලිපියක් ඊයේ හැන්දෑවේ ජනාධිපතිවරයාට භාරදුන්නා. ජනාධිපතිවරයා ඒක ඒ වේලාවේ භාරගැනීම ප්‍රතික්ෂේප කළා. මම ජනාධිපතිතුමාගෙන් ඉල්ලීමක් කරලා මම ලිපිය දීලා ආවා. මේ අමාත්‍ය ධූරයේ කටයුතු කරන්න තරම් සාමාජීය හා දේශපාලන ස්ථාවරභාවයක් රටේ නෑ. රටක අපිට අමාත්‍යාංශයක වැඩකටයුතු කරගෙන යන්න මානසිකත්වයක් තියෙන්න ඕනේ. ඒ වගේම ස්ථාවරභාවයක් තියෙන්න ඕනේ. සියල්ලට කලින් මේ ස්ථාවරභාවය හදන්න ඕනේ”
ගුණපාල රත්නසේකර මහතා මේ බව පැවසුවේ ඊයේ (06) පාර්ලිමේන්තුව අමතමිනි.
RN
