සටහන – රෂිකා හෙන්නායක
කොළඹ (LNW): එක්ස්ප්රස් පර්ල් නෞකා අනතුරින් සිදු වූ පරිසර හානිය වෙනුවෙන් වන්දි ඉල්ලා සිංගප්පූරු අධිකරණයක් හමුවේ පැවරූ නඩුව අද (09) පළමු වරට කැඳවීමට නියමිතව තිබෙන අතර , සිංගප්පුරු මහාධිකරණය හමුවේ නඩුව කැඳවනු ඇති බව අධිකරණ අමාත්ය විජයදාස රාජපක්ෂ මහතා පැවසීය .
ඒ සඳහා ශ්රී ලංකාව නියෝජනය කරමින් එරට නීතිඥ සංගමයක් පෙනී සිටීමට නියමිත වන අතර , එක්ස්ප්රස් පර්ල් නෞකා අනතුරින් සිදු වූ පරිසර හානිය වෙනුවෙන් වන්දි ඉල්ලා, සිංගප්පූරු අධිකරණයක් හමුවේ පසුගිය 26 වැනි දා නඩු පැවරීමට නීතිපති දෙපාර්තමේන්තුව කටයුතු කළ අතර , ඒ සිංගප්පූරුවේ නීතිඥ සමාගමක් මගිනි.
අදාළ වන්දි මුදල් ප්රමාණය පිළිබඳව ඉදිරියේදී අධිකරණයට දැනුම්දීමට නියමිත බව නීතිපති දෙපාර්තමේන්තුව පැවසූ අතර , ඒ පිළිබඳ සවිස්තර වාර්තාවක් සමුද්රීය පරිසර ආරක්ෂණ අධිකාරියෙන් කැඳවීමට ද පියවර ගෙන තිබේ.
සිංගප්පූරු ධජය යටතේ යාත්රා කරමින් තිබු එක්ස්ප්රස් පර්ල් නෞකාවේ 2021 මැයි 20 වැනි දා ඇති වූ ගින්නෙන් මෙරට සාගර පද්ධතියට දැඩි බලපෑමක් කළේය .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
