ඇමතුමක් අරගෙන
බොරුවට හරි
ඔයා හොඳින් නේදැයි අහනව නම් !
එතකොට කිව්ව හැකි
මට වීස් එක හැදිලා
ඊයෙ උණත් තිබුණා
ඔලුව පැලෙන්න වගේ කැක්කුම
ඩෙංගු වලට චෙක් කරන්න කිව්වා.
බේත් ගන්න ගියේ තනියම
පික් මී එකක් දාගෙන.
නෝනල එක්ක මහත්තුරු
අම්මලත් එක්ක දූලා,පුත්තු
බබාල වඩාගත් තරුණ අය පිරිලා.
දැන් ඇඳට වෙලා ඉන්නව
කවුදෝ ඔලුව අතගානව හීනෙන් දැක්ක.
ක්‍රීම් ක්රැකර් ගෙනාව කන්න.
ඩොක්ටර් කීව සුප් බොන්නලු.
හදාගන්න ඇඟට පණ නෑ.
ඔයාට මේව කියල වැඩක් නෑ.
හොඳින්ද අහපු නිසයි කිව්වෙ.
සනීප වුනාම මැසේජ් එකක් එවන්නම්.
හිත සනීප වුනා වගේම
කවද හරි සනීප වෙයි.
~ වර්ණ රසිකා ගුණවර්ධන
