කොළඹ LNW:යුක්තිය මෙහෙයුමේදී පොලීසියට භාර වූ පුද්ගලයින් 20 ඝාතනය වී තිබෙන බවට සමඟි ජන බලවේගයේ පාර්ලිමේන්තු මන්ත්‍රී ලක්ෂ්මන් කිරිඇල්ල මහතා ඊයේ (22) පාර්ලිමේන්තුවේදී ප්‍රකාශ කළේය.
පොලීසියට භාරවන්නේ ආරක්ෂාව වෙනුවෙන් වුවත් සිදුව ඇත්තේ ඊට ප්‍රතිවිරුද්ධ දේ බවටයි කිරිඇල්ල මහතා පෙන්වා දුන්නේ.
පොලීසිය තුළ දී එලෙස ඝාතනය වන විට මානව හිමිකම් ගැන ජාත්‍යන්තරයට උත්තර දෙන්නේ කෙසේද යන්න හෙතෙම විමසා සිටියේය.
ඊට පිළිතුරු දෙමින් අමාත්‍ය විජයදාස රාජපක්ෂ මහතා පැවසුවේ තමන් මේ සම්බන්ධයෙන් පොලිස්පතිවරයාගෙන් විමසීමක් කළ බවත් එවැන්නක් සිදුව නැති බවත්ය.
ආශිකා බ්‍රාහ්මණ
