මැයි 09 වෙනිදා ගෝල්ෆේස් අරගල භූමියට එල්ල වූ ප්රහාරය සම්බන්ධයෙන් ප්රකාශයක් ලබාදීම සඳහා මහජන ආරක්ෂක අමාත්යාංශයේ ලේකම්, මේජර් ජනරාල් (විශ්රාමික) ජගත් අල්විස් මහතා අද (23) අපරාධ පරීක්ෂණ දෙපාර්තමේන්තුවට පැමිණ තිබේ.
අපරාධ පරීක්ෂණ දෙපාර්තමේන්තුව කළ කැඳවීමකට අනුව මෙසේ අමාත්යාංශ ලේකම්වරයා එහි පැමිණ ඇති අතර එහි නිලධාරීන් මේ වනවිට ඔහුගෙන් ප්රකාශ සටහන් කරගනිමින් සිටින බව සඳහන්.
ගෝල්ෆේස් අරගල භූමියට ප්රහාර එල්ල කිරීම සඳහා අරලියගහ මන්දිරයේ සිට පැමිණි මහින්ද රාජපක්ෂ මහතාගේ ආධාරකරුවන් විසුරුවා හැරීමට කටයුතු නොකර, එම ප්රහාරය සඳහා ඔවුන්ට ගෝල්ෆේස් පිටියට පැමිණීමට ඉඩ හරින ලෙස පොලිසියට නියෝග කළේයැයි මහජන ආරක්ෂක අමාත්යාංශ ලේකම්වරයාට චෝදනා එල්ල වී ඇත.
RN
