ජනශක්ති සමූහ ව්‍යාපාරයේ හිටපු අධ්‍යක්ෂ දිනේෂ් ෂාෆ්ටර් මහතාගේ දේහය අද (25) දිනයේදී යළි ගොඩගැනීමට නියමිතව තිබේ.
ඒ මහතාගේ මරණය සම්බන්ධයෙන් සොයාබැලීමට පත් කළ පංච පුද්ගල විශේෂ වෛද්‍ය මණ්ඩලය කොළඹ මහේස්ත්‍රාත් අධිකරණයෙන් කරන ලද ඉල්ලීමක් අනුව මෙසේ එම දේහය අද දිනයේදී යළි ගොඩගැනීමට අධිකරණයේ අවසරය ලබාදී තිබිණි.
ඒ අනුව අද දිනයේදී විශේෂ පොලිස් ආරක්ෂාවක් යටතේ එම දේහය යළි ගොඩගැනීමට කටයුතු සූදානම් කර ඇති බවයි පොලිස් මාධ්‍ය ප්‍රකාශක නිහාල් තල්දූව මහතා සඳහන් කළේ.
RN
