ගාලුමුවදොර ”ගෝඨා ගෝ ගම” අරගලයට අදට දින 50ක් සපිරෙන අතර එය තවදුරටත් ශක්තිමත්ව පවත්වාගෙන යාමට එම විරෝධතා කණ්ඩායම් තීරණය කර තිබේ.
සිය ජන අරගලය ජයග්‍රහණය කරන තෙක් අරගලය නිමා කිරීමේ සූදානමක් නැති බව එම කණ්ඩායම් අවධාරණය කරන අතර විවිධ ක්ෂේත්‍ර වල සහය මෙම අරගලයට ලැබෙමින් ඇත.
ඒ අනුව සමාජය නියෝජනය කරන සියලුම ක්ෂේත්‍ර සමඟ සාකච්ජා කර අරගලය නව මුහුණුවරකින් ඉදිරියට රැගෙන යාමටයි අරගලයේ නියුක්ත තරුණ කණ්ඩායම් තීරණය කර ඇත්තේ.
මේ වන විටත් විශාල වෙනස්කම් රැසක් සමඟින් නව දේශපාලන සංස්කෘතියක් ගොඩනගා ගැනීම වෙනුවෙන් ඔවුන් විශාල මැදිහත්වීමක් කරමින් සිටියි.
ගාලුමුවදොර අරගල භූමියට දින 50ක් පිරීම සනිටුහන් කරමින් දිවයින පුර පිහිටි සෙසු අරගල භූමි ද ඊට සහය දක්වමින් අද දවස්සේ විවිධ විරෝධතා සංවිධානය කර ඇත.
ASK
