සටහන – රුවන් නෙළුගොල්ල
ඉල්ලීම් 15ක් මුල් කරගනිමින් තැපැල් හා විදුලි සංදේශ නිලධාරින්ගේ සංගමය ඊයේ (මැයි 28) මධ්‍යම රාත්‍රියේ සිට දීපව්‍යාප්ත දෙදින සංකේත වැඩවර්ජනයක් ආරම්භ කර තිබේ.
සිය ඉල්ලීම් සම්බන්ධයෙන් වූ සංදේශයක් අද (29) දිනයේ සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා වෙත භාරදීමට සැලසුම් කර ඇති බවයි එම සංගමය සඳහන් කරන්නේ.
තැපැල් මූලස්ථානය ඉදිරිපිට අද පෙරවරුවේ පැවැත්වෙන උද්ඝෝෂණයකින් අනතුරුව එම සංදේශය භාරදීම සඳහා පාගමනින් සෞඛ්‍ය අමාත්‍යාංශය වෙත යාමට ඔවුන් සැලසුම් කර ඇති බව වාර්තා විය.
