කොළඹ LNW: ජනාධිපතිවරයා විසින් පාර්ලිමේන්තුවට ඉදිරිපත් කර තිබෙන ආර්ථික පරිවර්තන පනත පිස්සගේ පලා මල්ල වගේ යැයි පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා පවසයි.
පනත හරහා කිසිම ඉලක්කයක් නොමැතිව ආයතන පෙළක් ඇතිකර ළඟා කරගැනීමට නොහැකි ඉලක්ක ගොන්නක් ඉදිරිපත් කර තිබෙන බවයි මන්ත්‍රීවරයා සඳහන් කරන්නේ.
එය සිහින සාප්පු පනත ලෙස නම් කළද වරදක් නොමැති බවයි ඔහු පවසන්නේ.
පනත හරහා ඇතිකර තිබෙන ආයතන බූවල්ලෙක් මෙන් ආර්ථිකය සිසාරා විහිදෙන අතර අවසානයේ සියල්ල ජනාධිපතිවරයාට කේන්ද්‍ර වන බව ගම්මන්පිල මහතා පෙන්වාදෙයි.
ඒ අනුව සමස්ත ආර්ථිකයේ පාලනය ජනාධිපතිවරයා අතට ගැනීමේ උත්සහයක් පවතින බවයි ඔහු වැඩිදුරටත් අවධාරණය කරන්නේ.
ආශිකා බ්‍රාහ්මණ
