තම කොමිසමේ අනුමැතියකින් තොරව ජ්‍යෙෂ්ඨ නියෝජ්‍ය පොලිස්පතිවරුන් තිදෙනෙකු ස්ථාන මාරුකර යැවීම සම්බන්ධයෙන් දින තුනක් ඇතුළත කරුණු දක්වන ලෙසට මහජන ආරක්ෂක අමාත්‍යංශයේ ලේකම්වරයාට නියෝග කර තිබෙනවා.
රාජ්‍ය සේවා කොමිෂන් සභාවේ ලේකම් එම්.ඒ.බී. දයා සෙනරත් මහතා විසින් ලිඛිතව දන්වා ඇත්තේ අදාල ස්ථාන මාරු කිරීම් සම්බන්ධයෙන් වාර්තාවක් ලබාදෙන ලෙසයි.
ජ්‍යෙෂ්ඨ නියෝජ්‍ය පොලිස්පතිවරුන් සහ නියෝජ්‍ය පොලිස්පතිවරුන්ට ස්ථාන මාරු ලබාදීමේදී රාජ්‍ය සේවා කොමිෂන් සභාවේ අනුමැතිය ලබාගත යුතු වන බව පෙන්වා දෙන ලේකම්වරයා පවසන්නේ මෙම නිළධාරීන් තිදෙනා මාරු කිරීමේදී පොලිස්පතිවරයා රාජ්‍ය සේවා කොමිෂන් සබාවේ බලතල ඉක්මවා කටයුතු කර ඇති බවයි.
2020 නොවැම්බර් 20 දිනැති අංක 2002/24 දරන අතිවිශේෂ ගැසට් පත්‍රය මගින් කොමිෂන් සභාව වෙත පවරා ඇති බලතල ඉක්මවා කටයුතු කිරීමට පොලිස්පතිවරයාට බලයක් නොමැති බවද කොමිසම අවධාරණය කරයි.
සේවා අවශ්‍යතා මත යැයි සඳහන් කරමින් ජ්‍යෙෂ්ඨ නියෝජ්‍ය පොලිස්පතිවරුන් වන එම්.ඩී.ආර්. දමින්ද, කේ.ඒ. රෝහණ සහ වැඩබලන ජ්‍යෙෂ්ඨ නියෝජ්‍ය පොලිස්පති එල්‌.කේ.ඩබ්.ඒ. සිල්වා යන මහත්වරුන්ට ස්ථාන මාරු ලබාදීමට පොලිස්පතිවරයා පසුගිය 27 වැනිදා කටයුතු කර තිබිණි.
UN
