මහනුවර මහ නගර සභාවේ නගරාධිපතිවරයා වශයෙන් චන්ද්‍රසිරි විජේනායක මහතා පත්වී තිබේ.
ඒ අනුව, ඒ මහතා අද (02) පෙරවරු 9 .30 ට මධ්‍යම පලාත් ආණ්ඩුකාර කාර්යාලයේදී පලාත් ආණ්ඩුකාර මහාචාර්ය සරත් අභයකෝන් මහතා ඉදිරියේ දිවුරුම් දීමට නියමිත ය.
චන්ද්‍රසිරි විජේනායක මහතා 1976 වසරේ සිට ජනතා විමුක්ති පෙරමුණේ පූර්ණ කාලීන ක්‍රියාකාරිකයකු වශයෙන් කටයුතු කළ අයෙකි.
ඒ මහතා මීට පෙර අවස්ථා කිහිපයකදීම මහනුවර මහ නගර සභාවේ ජනතා විමුක්ති පෙරමුණේ මන්ත්‍රීවරයකු වශයෙන් ද කටයුතු කර ඇත.
විජේනායක මහතා අද පෙ ව. 10 .00 ට මහනුවර මහ නගර සභා කාර්යාලයේදී නගරාධිපති ධූරයේ වැඩ ගැනීමට නියමිත අතර ජාතික ජන බලවේගයේ පාලනය යටතේ මහනුවර මහ නගර සභාවේ මංගල රැස්වීම ජුනි 05 වනදා පැවැත්වීමට නියමිත බවත් වාර්තා විය.
