කොළඹ LNW: අළු මතින් නැගිටපු ව්‍යාපාරයක් ලෙස කුමන අභියෝග තිබුණත් කඩුවෙල හදන බව අද (02) කඩුවෙල මහ නගර සභාව පිහිටුවමින් එහි නව නගරාධිපති රන්ජන් ජයලාල් මහතා අවධාරණය කළේය.
කඩුවෙල ජනතාවගේ අන්තිම රුපියල දක්වාම වගකියන බවයි ජයලාල් මහතා සඳහන් කළේ.
අභියෝගවලට අභියෝග කළ අපට කඩුවෙල අභියෝගයක් නොවන හෙයින් සියලු දෙනාම එම සංවර්ධන වැඩපිළිවෙල සමඟ එක්වන ලෙසද ඔහු ආරාධනා කර සිටියේය.
මේ අතර වර්තමානය වන විට අත්පත් කරගෙන සිටින දේශපාලන ජයග්‍රහණය පිටුපස ඇස්,මස්,ඉස්, ලේ දන්දෙමින් ජීවිත කැප කළ සිය සහෝදර පිරිසද මේ අවස්ථාවේ ඔහු ඉතා සංවේදීව සිහිපත් කරන ලදී.
ආශිකා බ්‍රාහ්මණ
