කොළඹ LNW:රජය විසින් ප්‍රකාශයට පත් කර ඇතී බදු සතියට සමගාමීව අද (03) සිට බදු ගෙවන්නන් දැනුවත් කිරීමේ විශේෂ වැඩසටහනක් දේශීය ආදායම් දෙපාර්තමේන්තුව විසින් ආරම්භ කර තිබේ.
ඊයේ සිට 8 වනදා දක්වා රජය විසින් බදු ශක්ති නමින් බදු සතියක් ප්‍රකාශයට පත් කළ අතර එය ජනාධිපතිවරයාගේ ප්‍රධානත්වයෙන් ජනාධිපති කාර්යාලයේදී ආරම්භ විය.
ඒ අනුව දේශීය ආදායම් ප්‍රධාන කාර්යාලයේ දී හා සියලුම ප්‍රාදේශීය මෙන්ම නගර කාර්යාල මගින් බදු ගෙවන්නන් දැනුවත් කරන බවයි දේශීය ආදායම් දෙපාර්තමේන්තුව සඳහන් කරන්නේ.
එහිදී අදියරක් ලෙස ජංගම බදු සේවා පැවත්වීමටද කටයුතු යොදා ඇති අතර එළඹෙන 05 වැනිදා සිට බදු සම්බන්ධ ගැටලු වලට පිළිතුරු ලබා දීමට දේශීය ආදායම් නිලධාරීන් වීථී සංචාරය කිරීමටද නියමිතයි.
ආශිකා බ්‍රාහ්මණ
