කොළඹ LNW: කැබිනට් මණ්ඩල සංශෝධනයක් හෝ අගමැතිවරියගේ වෙනස් කිරීමක් ගැන කිසිම සාකච්ජාවක් සිදුව නැති බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසුවේය.
ඉදිරියේදී කැබිනට් මණ්ඩල සංශෝධනයක් මෙන්ම අගමැති ධුරයේ වෙනසක් කර එය නලින්ද ජයතිස්සට හෝ බිමල් රත්නායක වෙත ලබා දීමේ ආණ්ඩුවේ තීරණයක් පවතින බවට වාර්තා වූ පුවතක් සම්බන්ධයන් එහි නිරවද්‍යතාව තහවුරු කරගැනීම වෙනුවෙන් අද (03) කැබිනට් මණ්ඩල තීරණ දැනුම් දීමේ මාධ්‍ය හමුවේදී මාධ්‍යවේදියෙකු කළ ප්‍රශ්න කිරීමට පිළිතුරු දෙමින් අමාත්‍යවරයා ඒ බව අවධාරණය කළේය.
විරුද්ධවාදීන් අවධානය දිනාගැනීම සඳහා ඇතැම් මාධ්‍යයන් සමඟ එක්ව පළකරන අසත්‍ය පුවතක් බව අමාත්‍යවරයා පැවසුවේය.
ඒ නුව කිසිම ආකාරයක කැබිනට් මණ්ඩල සංශෝධනයක් ගැන සකාච්ජාවක් සිදුව නැති බවයි අමාත්‍යවරයා අවධාරණය කළේ.
ආශිකා බ්‍රාහ්මණ
